Häzirki Kansler Olaf Şols ýurduň Sosial-demokratik partiýasyndan möhletinden öňki Parlament saýlawlarynda resmi dalaşgärlige bellige alyndy diýip, «MIR 24» ýazýar.
Ses berlişik partiýanyň Berlinde geçen gurultaýynda geçirildi. Hökümetiň häzirki Baştutanyny goldamakdan az sanly delegatlar ýüz öwürdiler.
Germaniýadaky möhletinden öňki saýlawlar 2025-nji ýylyň 23-nji fewralyna bellendi. Onuň netijeleri boýunça täze Ministrler Kabineti düzüler.
Öň, 16-njy dekabrda Bundestagyň nobatdan daşary ýygnagynda Olaf Şolsa ynam etmezlik barada karara gelnipdi.
Kansleriň wezipesine Şolsdan başga, Hristian-demokratik partiýanyň lideri Fridrih Mers, «Ýaşyllar» partiýasyndan Kansleriň orunbasary Robert Habek we «Germaniýa üçin alternatiwa» (AdG) partiýasyndan Alisa Waýdel dalaş edýärler.
Pikir soralyşyga görä, öňdäki orunlarda Hristian-sosial bileleşik (32 göterim), ondan soňra AdG (18 göterim) barýar.
