«Louis Vuitton Moet Hennessy» (LVMH) kompaniýasynyň baş direktory, Ýewropanyň iň baý adamy Bernar Arnonyň baýlygy bir günüň içinde 11,3 milliard dollar köpeldi ― diýip, «Biznes-reklama» gazeti habar berýär.
«Bloomberg» habarlar agentliginiň ýazmagyna görä, muňa gazna söwdalarynyň üstünlikli ösüşi sebäp bolupdyr. Bu gazanylan peýda taryhy rekord hasaplansa-da, geçen aýky hasaba alnan ykdysady çökgünlik zerarly, Arnonyň ýitiren baýlygynyň öwezini dolup bilmedi. Geçen ýylyň ýazynda Arnonyň umumy baýlygy 100 milliard dollardan gowrak bahalanan bolsa-da, ol üstümizdäki ýylyň fewral aýynda baýlygy 100 milliard dollardan geçýän milliarderleriň sanawyndan çykypdy. 25-nji mart ýagdaýyna görä, onuň baýlygy 70 milliard dollar bahalanýar.
Şeýle-de gazna söwdalarynyň netijesinde, amerikaly maýa goýujy Uorren Bafetiň baýlygy 6,5 milliard dollar, «Zara» dükanlar toplumynyň eýesi Amansio Orteganyň baýlygy 5,9 milliard dollar ýokarlanypdyr.