2019-njy ýylyň 14-nji we 19-njy noýabrynda Dünýä çempionaty – 2022-niň hem-de Aziýa Kubogy – 2023-iň saýlama tapgyrynyň duşuşyklaryna gatnaşýan Türkmenistanyň Futbol boýunça milli ýygyndysynyň oýunlarynyň petekleriniň satuwyna badalga berildi ― diýip, Türkmenistanyň Futbol federasiýasynyň resmi saýty habar berýär.
Futbol boýunça milli ýygyndy toparymyzyň KHDR-iň hem-de Şri-Lankanyň milli ýygyndylarynyň garşysyna geçirýän duşuşyklarynyň peteklerini paýtagtymyzdaky “Köpetdag” stadionynyň satuw nokatlaryndan almak mümkindir. Petekleriniň bahasy hem 10 manat.
Ýeri gelende bellesek, dünýä çempionaty – 2022-niň saýlama oýnunyň bäşinji tapgyrynyň çäginde geçiriljek duşuşygy 14-nji noýabrda geçirilip, onda Türkmenistanyň futbol boýunça milli ýygyndy topary KHDR-iň ýygyndy toparyny kabul eder. 19-njy noýabrda bolsa Türkmenistanyň futbol boýunça milli ýygyndy topary altynjy tapgyryň çäginde Şri-Lankanyň milli ýygyndy toparyny kabul eder.
16:00-da başlanjak duşuşyklaryň ikisi-de paýtagtymyzdaky “Köpetdag” stadionynda geçiriler.