Ýurdumyzyň futzal ligasynyň 20-nji tapgyrynyň duşuşyklary geçirildi. Bu tapgyrda öňdebaryjylaryň ikisi-de, “Talyp sporty” bilen “Köpetdag” toparlary ynamly ýeňiş gazandylar. “Talyp sporty” topary “Ahaldan” uly hasap bilen üstün çykan bolsa, “Köpetdag” “Nesili” ýeňlişe sezewar etdi - diýip, TFF-niň resmi saýty habar berýär.
Futzal ligasynyň 21-nji tapgyry 16-njy iýunda geçiriler.
Ilkinji gezek futzal ligasy ady bilen geçirilýän ýurdumyzyň çempionaty toparlaryň 12-siniň gatnaşmagynda geçirilýär. Iki aýlawdan ybarat bolan futzal ligasynyň duşuşyklarynyň Aşgabatda, Türkmenbaşyda hem-de Änewde geçirilýändigini ýatladýarys.
XX tapgyryň netijeleri:
Oýun 115. “Gümrükçi” - “TNGIZT” 3:2
Oýun 116. “Deňizçi” - “Serhetçi” 3:1
Oýun 117. “Migrasiýa” - “Senagatbank” 3:2
Oýun 118. “Milli goşun” - “Daýhanbank” 6:1
Oýun 119 “Ahal” - “Talyp sport” 3:10
Oýun 120 “Köpetdag” - “Nesil” 3:1
