6-njy martda Türkmenistanyň Prezidenti Gurbanguly Berdimuhamedow Ministrler Kabinetiniň nobatdaky mejlisini geçirdi. Onda mähriban halkymyzyň abadançylygyny üpjün etmäge gönükdirilen döwletimiziň içeri syýasatyna degişli möhüm meseleler ara alnyp maslahatlaşyldy hem-de käbir resminamalaryň taslamalaryna garaldy.
Mejlisiň barşynda döwlet Baştutanyna:
Söwda we daşary ykdysady aragatnaşyklar ministrliginiň düzümindäki alyjylar jemgyýetleriniň kärhanalaryny we desgalaryny hususylaşdyrmak barada beren tabşyrygynyň ýerine ýetirilişi;
döwlet Baştutanymyzyň şu ýylyň 16-njy martynda Senagatçylar we telekeçiler birleşmesiniň agzalary bilen bolan duşuşykda kaliý dökünlerini öndürýän kombinatyň we ýokary tizlikli awtomobil ýoluny gurmak boýunça beren tabşyryklaryna laýyklykda alnyp barylýan işler;
iri gazhimiýa we nebithimiýa taslamalary durmuşa geçirmek boýunça alnyp barylýan işler;
ýurdumyzyň welaýatlarynda möwsümleýin oba hojalyk işleriniň alnyp barlyşy;
himiýa senagatynyň önümçilik düzümini artdyrmak boýunça amala aşyrylýan çäreler;
Aşgabat şäheriniň Berkararlyk etrabynyň çäginde ýaşaýyş toplumynyň taslamasynyň täzeden işlenen görnüşi;
ulag we aragatnaşyk pudaklarynda işleriň ýagdaýy, olaryň maddy-enjamlaýyn binýadyny pugtalandyrmak we döwrebaplaşdyrmak boýunça geçirilýän işler;
2018 — 2021-nji ýyllarda gazuw-agtaryş işlerini geçirmegiň we medeni mirasy ylmy esasda öwrenmegiň hem-de wagyz etmegiň Döwlet maksatnamasyna laýyklykda, Beýik Ýüpek ýolunyň ugrunda Türkmenistanyň çäginde ýerleşen taryhy-medeni ýadygärliklerde gazuw-agtaryş we rejeleýiş işleriniň geçirilmegi bilen bagly alnyp barylýan işler;
maý aýynyň 2-sinde ulag boýunça halkara maslahatyny geçirmäge görülýän taýýarlyk;
3-nji maýda «Awaza» milli syýahatçylyk zolagynda Ykdysady hyzmatdaşlyk guramasynyň agza ýurtlarynyň ulag ministrleriniň nobatdaky IX mejlisini geçirmek;
milli parlamentiň altynjy çagyrylyşynyň düzümini emele getirmek hem-de işi;
2018-nji ýylyň 7-nji aprelinde Bütindünýä saglyk güni mynasybetli geçiriljek çärelere görülýän taýýarlyk we beýleki möhüm ugurlar barada hasabatlar berildi. Milletiň Lideri hasabatlary diňläp, olar boýunça degişli tabşyryklary berdi.