Döwlet howpsuzlyk geňeşiniň sekretary, goranmak ministri Ý.Berdiýew harby we hukuk goraýjy edaralaryň ähli ýolbaşçylarynyň adyndan Türkmenistanyň Prezidentine öňümizdäki Bütindünýä saglyk güni mynasybetli milli Liderimize sport welosipedini sowgat berdi.
...Ýurdumyzyň Ýaragly Güýçleriniň Belent Serkerdebaşysy welosipede münüp, Köpetdagyň etegindäki ajaýyp künjekden geçýän welosipedli ýörişiň öňüni çekdi.
Milli Liderimiz ýolugra welosipedli ýörişe gatnaşýanlaryň ünsüni tebigatyň bu künjeginiň aýratyn gözelligine çekdi. Häzir bu ýerde baharyň alamatlary aýratyn äşgär duýulýar. Gök öwüsýän dag etekleri, baýyrlar, jana ýakymly howa gurşawy we gül açan baglar, dag howasy ynsan kalby üçin ýaramly ýagdaýy emele getirýär.
Hormatly Prezidentimiz Gurbanguly Berdimuhamedow welosipedli ýörişi tamamlap, oňa gatnaşyjylara alyp barýan işlerinde üstünlikler arzuw etdi we bu ýerden ugrady.
