Şri-Lanka ada-döwletine aralaşan güýçli sil joşmalary netijesinde azyndan bäş adam pida boldy, sekiz adam ejir çekdi diýip, «Associated Press» habarlar gullugy habar berdi.
Ýerli polisiýanyň maglumatlaryna laýyklykda, çagalar topary we iki uly adam mekdepden traktorda gaýdyp gelýärkäler, sil suwy äkitdi. Traktordaky mekdep okuwçylarynyň altysyny tapmak başartdy, üç çaga we iki uly ýaşly adam heniz hem tapylanok.
Olary ýurduň harbylary dikuçarlar arkaly gözleýärler. Şeýle-de adanyň merkezi böleginde üstüne kerpiç diwar ýykylyp, bir aýal gurban boldy, bir adamy suw äkitdi.
Soňky iki gün bäri Şri-Lankada güýçli çabga netijesinde 800-e golaý öýe zeper ýetdi, meýdanlar we ýollar gark boldy. Häkimiýetler daglyk etraplarda otlularyň hereketini togtatdylar. Howply ýerlerden 5 müňden gowrak adam göçürildi. Sil joşgunlary 230 müňden hem kän adama howp salýar diýlip, habarda bellenýär.
