2014-nji ýyldan bäri Merkezi Aziýada raýatlygy bolmadyk ýa-da raýatlygy kesgitsiz bolan şahslaryň sany ýedi esse azaldy, bu barada BMG-niň bosgunlaryň işi boýunça Ýokary komissarynyň edarasynyň Merkezi Aziýadaky wekiliniň maglumatlaryna salgylanýan «Daryo.uz» habar berýär.
Bu maglumatlar Aşgabatda geçen guramanyň ady tutulan edarasy tarapyndan guralan metbugat birifiginde habar berildi.
2014-nji ýylda 10 ýylyň dowamynda raýatsyzlygy ýok etmäge bagyşlanan «IBelong» («Men degişli») atly tutum başlandy. Şol döwürden bäri Merkezi Aziýada raýatsyz adamlaryň 252,2 müňüsi ýüze çykaryldy. 2024-nji ýylyň 30-njy oktýabryndaky ýagdaýa görä, olaryň sany 34,2 müňe çenli azaldy, ýagny 10 ýylda 7 esse kemeldi.
Maglumatda şu döwürde Türkmenistanyň we Gyrgyzystanyň dünýäde raýatsyzlygy doly aradan aýran ilkinji ýurtlar bolandygy bellenýär.
