Alymlar tarapyndan wagt boýunça syýahat etmegiň mümkin däldigi subut edilendir, sebäbi wagt diňe öňe gidýär. Emma adamlaryň köp sanlysy «ýaşlygy gaýdyp berýän» «wagt maşynynyň» bardygyna ynanýarlar diýip, «vfokuse.mail.ru» ýazýar.
Hindistanly jübüt ýerli polisiýa tarapyndan kezzaplykda aýyplanyp gözlenilýär, olar onlarça adamy aldawa salmagy başarypdyrlar. Olar adamlara garrylygy haýalladyp, ýaşlygy dolap getirmegi teklip edipdirler.
Rajiw Kumar we onuň aýaly Raşmi Dubeý Kanpurda (Hindistanyň Uttar-Pradeş ştaty) terapiýa merkezine eýeçilik edipdirler. Olar şol ýerde adamlary çalt garramagyň howanyň hapalanmagy netijesinde bolýandygyna ynandyrypdyrlar. Bu ýagdaýy haýallatmak üçin är-aýal «Ysraýylyň wagt maşynyndan» peýdalanmagy hem-de kislorod arkaly bejergini teklip edipdirler.
Olar munuň üçin on gezeklik hyzmatlaryň 6 müň rupiýalyk toplumyny hem-de 90 müň rupiýalyk üç ýyllyk ýaşlyga dolanmak hyzmatyny hödürläpdirler.
Polisiýada är-aýalyň ýigrimi töweregi adamy aldamaga ýetişendigini hem-de 35 million rupiýa gazanandygyny habar berýärler. Häzirki wagtda derňew işleri dowam edýär.
