Eýranyň täze Prezidenti Masud Pezeşkiýan wezipesine girişeninden soňra ilkinji daşary ýurt saparyny Yraga amala aşyrar. Bu barada ýurduň Bagdatdaky ilçisi Mohammad Kazem Al-Sadeg IRNA habarlar gullugynyň habarçysy bilen söhbetdeşliginde aýtdy diýip, TASS ýazýar.
Ilçiniň aýtmagyna görä, Pezeşkiýan Bagdada sentýabryň ortalarynda Yragyň Premýer-ministri Muhammed as-Sudaniniň resmi çakylygy boýunça barar. Saparyň dowamynda birnäçe resminamalara gol çekmek meýilleşdirilýär. Olar boýunça öňki Prezident Ebrahim Raisiniň döwründe ylalaşyldy. Eýranyň ilçisi şeýle-de Pezeşkiýanyň saparynyň iki ýurduň arasyndaky gatnaşyklaryň ösüşine we çuňlaşdyrylmagyna ýardam etjekdigine ynam bildirdi.
