Türkmenistanyň Mejlisiniň wekili 19-21-nji maý aralygynda Indoneziýa Respublikasynyň Bali şäherinde 10-njy Bütindünýä Suw forumynyň çäklerinde geçirilen parlament duşuşygyna gatnaşdy. Bu barada Türkmenistanyň Mejlisi habar berdi.
Duşuşyk Indoneziýa Respublikasynyň Wekiller Palatasy we Parlamentara Bileleşigi tarapyndan bilelikde guraldy. Duşuşygyň maksady suw ýetmezçiligine garşy hereket etmegiň kanunçylyk esaslaryny berkitmekden, ygtybarly suw üpjünçiligini ýola goýmakda parlament hyzmatdaşlygyny berkitmekden, suw babatda ählumumy howpsuzlygy we abadançylygy üpjün etmekde tagallalary birleşdirmekden ybaratdyr.
Türkmenistanyň Mejlisiniň wekili duşuşygyň «Parahatçylyk we suw üpjünçiligi üçin serhetüsti we pudagara dialog» atly bölümçesine gatnaşdy we çykyş etdi.
