«Formula-1» ýaryşlarynyň 7 gezek çempiony Mihael Şumaheriň şahsy kolleksiýasyndaky 8 sany seýrek duşýan özboluşly goşar sagatlary 13-nji maýda Ženewada geçiriljek auksionda satylar. Bu barada «Bloomberge» salgylanyp «MIR 24» habar berýär.
Lotlaryň biri-de Şumaheriň ýedi gezekki çempionlygyna bagyşlanan 2004-nji ýyla degişli eksklýuziw nusga bolar. Gyzyl siferblatly we altyn mehanizmli bolan platina göwrümli bu sagady sürüjä toparyň sport direktory
Žan Todt sowgat beripdir. Onda toparyň nyşany we Şumaheriň başgaby şekillendirilen. Auksionda goşar sagadynyň bahasynyň 1,1 million dollardan hem geçmegine garaşylýar.
Auksiona şeýle hem ak altyndan döredilen sagat (270 müň dollara çenli) we Şumaheriň kolleksiýasyndaky beýleki sagat nusgalary (449 müň dollara çenli) çykarylar.
Ýatladyp geçsek, Mihael Şumaher 2013-nji ýylyň dekabrynda lyžada taýýan mahaly kellesine agyr şikes alypdy. Şondan bäri hem sürüji türgene reabilitasiýa kursy geçirilýär.
Türgen şu ýylyň ýanwar aýynda 55 ýaşyny doldurdy.
