200-den gowrak filmde we 25 sany teleserialda çykyş eden hindi kino we teatr aktrisasy Mina Ganeş aradan çykdy. Bu barada «Madhyamam» portalyna salgylanýan «rg.ru» habar berdi. Ganeş 82 ýaşynda Keraladaky hususy hassahanada insult geçirenden soňra aradan çykdy.
Aktrisa 1942-nji ýylda doguldy. On dokuz ýaşynda sahnada çykyş edip başlady. Kinoda ilkinji gezek 1976-njy yýlda çykyş etdi. Onuň iň soňky surata düşen filmi 2016-njy ýylda ekranlara çykdy.
Aktrisa «Molla», «Pyrtykal», «Habarçy», «Hapa haýwan» atly belli filmlerde keşp döretdi. Ol aktýor AN Ganeş bilen durmuş gurdy, olaryň ogly we gyzy dünýä indi.
