Dünýäniň iň uzak ýaşly zenany Mariýa Morera 117 ýaşyny belledi. Ol 1907-nji ýylyň 4-nji martynda Amerikanyň San-Fransisko şäherinde doguldy, sekiz ýaşynda Kataloniýa göçdi. Bu barada «MIR 24» habar berýär.
Morera soňky 23 ýyl bäri garrylar öýünde ýaşaýar. Ol Fransiýada ýaşan 118 ýaşly zenan Lýusil Randon aradan çykandan soňra Ginnesiň rekordlar kitaby tarapyndan dünýäniň iň uzak ýaly zenany diýlip yglan edildi.
Mariýanyň eşidişi pes (ol çagaka bir gulagy gapylypdyr) hem-de hereket etmekde kynçylyk çekýär diýmeseň, saglygy gowy. Ol golaýda lukmanlaryň gözegçiliginden geçdi. Alym Manel Ester onuň bilen gürrüňdeşlikden soňra, akylynyň durudygyny, hatda dört ýaşynda başdan geçiren wakalaryny hem ýatlap bilýändigini, onda garrylarda duşýan ýürek-damar keselleriniň ýokdugyny gürrüň berdi. Lukman munuň sebäbini onuň genetikasy bilen baglanyşdyrdy, sebäbi Mariýanyň maşgalasynda ýaşy 90-dan geçen birnäçe adam bar. Ispaniýaly zenanyň 80 ýaşly gyzy hem bar diýlip, habarda bellenýär.
