Özbegistanyň milli ýygyndysy Katarda geçýän futbol boýunça Aziýa kubogynyň toparçalaýyn tapgyrynyň ikinji oýnunda 3:0 hasabynda Hindistandan ynamly üstün çykdy. Ähli pökgüler oýnuň birinji ýarymynda geçirildi.
Eýýäm 4-nji minutda Nasrullaýewiň pasy esasynda Faýzullaýew takyk urgy bilen pökgini derwezä girizdi. 18-nji minutda Sergeýew Faýzullaýewiň urgusyndan soň pökgini derwezä girizdi we tapawudy ikä çykardy. Birinji ýarymyň ahyrynda (45+4) goragçy Nasrullaýew üçünji pökgini saldy.
Iki aýlawdan soň «B» toparçada Awstraliýa 6 utuk bilen öňde barýar. Özbegistan 4 utuk bilen ikinji orunda durýar. Ondan soň Siriýa (1 utuk) we Hindistan (0) gelýär.
23-nji ýanwarda geçiriljek jemleýji aýlawda toparçada birinji orny eýelemek ugrunda Özbegistan bilen Awstraliýa oýnar. Toparçalardan iň gowy iki topar we üçünji orny eýelän dört ýygyndy pleý-off tapgyryna çykarlar.
