Russiýanyň «Soýuzmultfilm» studiýasy uruş ýyllarynyň we ondan soňky ýyllaryň 10 sany animasion filmini dikeltmekçi diýip, studiýanyň metbugat gullugyna salgylanýan «RIA Nowosti» habar berdi.
Bu tutum Beýik Watançylyk urşy ýyllarynda gazanylan Ýeňşiň 80 ýyllygyna gabatlanýar.
Häzirki wagtda hünärmenler animasion filmleriň plýonkalarynda tebigy ýagdaýda dörän tehniki zeperleri aradan aýyrýarlar. Abatlanandan soňra, multfilmler kinoteatrlarda görkeziler.
«Häzirki zaman tehnologiýalaryň kömegi bilen biz giň ekrana «Gar şa gyzy», «Üçünji planeta», «Çippolino», «Buratinonyň başdan geçirmeleri» ýaly birgiden rowaýaty filmleri gaýtaryp getirdik» diýip, kinostudiýanyň direktorlar geňeşiniň başlygy Ýuliana Slaşewa gürrüň berdi diýip, «Gazeta.ru» ýazýar.
