Türkmenistanyň Özbegistan Respublikasyndaky ilçisi Ş.Meredow Özbegistan Respublikasynyň Oliý Mejlisiniň Kanunçykaryjylyk Palatasynyň spikeri Nuriddin Ismoilow bilen gepleşikler geçirdi. Bu barada Türkmenistanyň DIM-niň resmi saýtynda habar berildi.
22-nji noýabrda bolan duşuşykda taraplar dostluk we hoşniýetli goňşuçylyk ýörelgelerine esaslanýan ikitaraplaýyn hyzmatdaşlygyň ileri tutulýan ugurlary babatynda pikir alyşdylar.
Habarda bellenilişi ýaly, parlamentara gatnaşyklary ösdürmek meselelerine aýratyn üns bermek bilen, hereket edýän türkmen-özbek parlamentara dostluk toparlarynyň agzalarynyň özara saparlarynyň guralmagynyň zerurdygy bellenildi.
