Türkmenistanda ilkinji hyzmatdaşlyk (koworking) merkezi «Iş Nokady» HJ we Daşkentdäki ilkinji koworking merkezleriniň biri bolan «Ground Zero» hyzmatdaşlyk hakynda ylalaşyga gol çekdiler.
Ylalaşykda iki merkeziň hem wekillerine we myhmanlaryna özara artykmaçlyklary hödürlemek göz öňünde tutulýar. «Iş Nokadanyň» wekilleri we Daşkende gidýän Türkmenistanyň raýatlary ýörite kupony bermek bilen, aýratyn bahadan «Ground Zero-nyň» koworking giňişliginden peýdalanyp bilerler. Şonuň ýaly-da, Özbegistanyň raýatlary we «Ground Zero-nyň» wekilleri Aşgabat şäherine gelenlerinde «Iş Nokadanyň» koworking giňişliginden arzan bahadan peýdalanyp bilerler.
«Ground Zero» bilen bu ylalaşygy baglaşyp bilendigimize biz örän şat. Bu müşderilerimize täze şertleri hödürlemek we olaryň syýahatlaryny has netijeli etmek üçin ajaýyp mümkinçilik» diýip, «Iş Nokadanyň» baş direktory Jamilýa Kerimowa belläp geçdi.
Arzanladyş kuponlary barada has giňişleýin maglumat almak üçin (+993 12) 46 81 65 telefon belgisi arkaly «Iş Nokadanyň» administratoryna ýüz tutuň.
