8-nji oktýabrda Türkmenistanyň Saud Arabystany Patyşalygyndaky ilçisi Orazmuhammet Çaryýew ýurduň daşary işler ministriniň orunbasary Walid bin Abdulkarim Al-Huraiji bilen duşuşdy. Duşuşyk ministrligiň Er-Riýaddaky binasynda geçirildi.
Diplomatlar iki ýurduň arasyndaky gatnaşyklaryň dürli taraplaryny we umumy bähbitleri kanagatlandyrmak üçin ony ösdürmegiň usullaryny ara alyp maslahatlaşdylar.
Saud Arabystanyň Daşary işler ministrliginiň metbugat gullugynyň habaryna görä, taraplar özara gyzyklanýan temalar boýunça giňişleýin pikir alyşdylar.
Ýeri gelende bellesek, ýaňy-ýakynda Saud Arabystanynyň Aşgabatdaky ilçihanasynda Patyşalygyň Milli güni bellenildi.
