Gurbanguly Berdimuhamedow Ahmet Çalyk bilen hyzmatdaşlygyň geljekki ugurlaryny ara alyp maslahatlaşdy

Habar berşimiz ý­aly, şu gün türkmen h­alkyn­yň Milli Lideri­, Türk­menistanyň Hal­k Masla­hatynyň Başly­gy Gurba­nguly Berdim­uhamedow,­ Prezident ­Serdar Ber­dimuhamedo­wyň tabşyry­gy bilen,­ Aşgabat şäheri b­oýu­nça iş saparyny am­al­a aşyryp, gurluşyklaryň barşy we gurulmagy meýilleşdirilýän dürli maksa­tl­y desgalaryň taslamalary ­bile­n tanyşdy.

Iş saparynyň çäklerinde, Türk­menistanyň Halk Maslahatynyň Başlygy Gurbanguly Berdimuhamedow ýurduň gurluşyk pudagynda öňden gelýän hyzmatdaşy - “Çalyk Holding” kompaniýalar toparynyň ýolbaşçysy, türkiýeli işewür Ahmet Çalyk bilen duşuşdy.

Duşuşygyň barşynda türkiýeli hyzmatdaşlaryň alyp barýan işleriniň ýagdaýy hem-de hyzmatdaşlygyň geljekki ugurlary ara alnyp maslahatlaşyldy.

Ahmet Çalyk “Çalyk Holding” üçin Türkmenistanda işlemegiň we ýurduň durmuş-ykdysady taýdan ösüşine mynasyp goşant goşmagyň uly mertebedigini nygtap, özüne ynanylan desgalardaky gurluşyklaryň barşy barada hasabat berdi.

Türkmen halkynyň Milli Lideri, Hal­k Masla­hatynyň Başly­gy Gurba­nguly Berdim­uhamedow türk hyzmatdaşlaryň, aýratyn-da, Ahmet Çalygyň Türkmenistanda saglygy goraýyş, önümçilik we energetika ulgamlarynyň desgalarynyň gurluşyklaryny amala aşyran kompaniýasynyň ýurduň milli ykdysadyýetini ösdürmekdäki uly goşandyny kanagatlanma bilen nygtady.

Türkiýeli işewür “GAP Inşaat” kompaniýasynyň häzirki döwürde Aşgabatda saglygy goraýyş ulgamyna degişli häzirki zaman merkezleriniň gurluşygyny alyp barýandygyny belläp, hemme işleriň ýokary hil derejesinde ýerine ýetiriljekdigine hem-de desgalaryň bellenilen möhletlerde ulanmaga beriljekdigine ynandyrdy.