Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiligi penşenbe güni — 13-nji aprelde başlanar.
Ýaryş üç aýlawda geçer.
Toparlaryň öz meýdançasynda hem-de myhmançylykda ýaýbaňlandyryljak duşuşyklary uly toparlaryň oýunlarynyň bir gün öňünden geçiriler.
Häzirki wagtda ýaşlaryň arasyndaky ýurdumyzyň çempionynyň «Altyn Asyr II» toparydygyny ýatladýarys. 2019-njy ýyldan bäri geçirilip gelinýän birinjilik 4 ýyl bäri diňe «Altyn Asyr II» toparynyň ýeňşi bilen jemlenýär.
Nobatdaky birinjiligiň has-da dartgynly geçmegine garaşylýar.
