Dünýäniň iň gurak çöli bolan Atakamada ýagyş ýagyp, gül-pürçüge bürendi diýip, «MIR 24» teleýaýlymy habar berdi.
Çilide bu ýyl ýerli ölçeglere görä, iň ýagynly boldy. Ygalyň 80 millimetri düşdi, bu bolsa bäş-alty ýyldan bir gezek bolýar. Netijede, çäge depeleriniň arasynda ösümlikleriň 200 görnüşi peýda boldy, olar onlarça kilometre uzaýan alaňlary al-ýaşyl reňke boýady, tozap ýatan çöli indi synlamaga göz gerek.
