Aziýanyň Futbol Konfederasiýasynyň naýbaşy eminler toparynyň hataryna girýän türkmenistanly eminler topary Aziýa Kubogy-2023-iň Bahreýnde geçiriljek saýlama tapgyrynda eminlik etmäge çakylyk aldylar.
FIFA-nyň emini Çarymyrat Gurbanow, FIFA-nyň kömekçi eminleri Ahmet Begnazarow hem-de Pälwan Pälwanow Aziýa Kubogy-2023-iň (U20) saýlama tapgyrynyň «B» toparçasynda geçiriljek duşuşyklarda eminlik ederler. Bu barada TFF-niň resmi saýtynda habar berildi.
10 — 18-nji sentýabr aralygynda dowam etjek saýlama tapgyrynyň duşuşyklary Bahreýniň Arad şäherinde geçiriler.
Ýeri gelende bellesek, bu toparçada Kataryň, Bahreýniň, Bangladeşiň, Nepalyň hem-de Butanyň ýaşlar ýygyndylary duşuşarlar.
