Sowet estradasynyň nyşany Muslim Magomaýewiň bu gün 80 ýaşy dolmalydy. Rowaýaty aýdymçy, kompozitor, SSSR-iň halk artisti Magomaýew dogduk Watany Azerbaýjanda giňden hatyralanýar diýip, «MIR 24» ýazýar.
Aýdymçy geçen asyryň 70-nji ýyllarynyň başyna çenli Baku şäherinde ýaşady we ýörite sazçylyk mekdebini hem-de konserwatoriýany tamamlady.
Hatyra çäreleri artistiň heýkeline gül goýmak dabarasyndan başlandy.
Magomaýewiň repertuarynda 600-e golaý eser bardy. Ol daşary ýurt sahnalarynda üstünlikli çykyş etdi we öňki Sowet Soýuzynyň tas ähli künjeginde boldy. Aýdymçy 2008-nji ýylyň 25-nji oktýabrynda Moskwada aradan çykdy, ony Bakuwda ýerlediler.
