Girmek
Aşgabat şäherini ÝUNESKO-nyň döredijilik şäherleriniň toruna «Dizaýn» ugry boýunça girizmek babatda alnyp barylýan işleriň çäklerinde «Gül Zaman» medeni dynç alyş merkezinde «Aşgabat. Dizaýn. Moda — 2022» atly milli we döwrebap lybaslaryň görkezilişi boldy.
Bu dabara Aşgabat şäher häkimligi we ÝUNESKO-nyň işleri baradaky Türkmenistanyň Milli toparynyň Sekretariaty tarapyndan «Aşgabat — dizaýn şäherim» taslamasy esasynda guraldy. «Türkmenistan: Altyn asyr» elektron neşiri tarapyndan habar berlişi ýaly, bu ýerde Türkmenistanyň Dokma senagaty ministrliginiň we «Gül Zaman» modalar öýleriniň 2022-nji ýylyň ýaz-tomus möwsümleri üçin dizaýnerler tarapyndan taýýarlanylan milli we döwrebap lybaslaryň taslamalary, Aşgabat şäherindäki modalar öýüniň dürli görnüşli dabaralar üçin zenanlara, çagalara niýetlenen lybaslarynyň uly toplumy görkezildi.