Möwsümiň üçünji «Uly tuwulga» ýaryşy bolan «Uimbldonda» TOP-10-lugyň ýene bir wekili garaşylmadyk ýagdaýda öýüne dolandy.
Dünýäniň 9-njy raketkasy, kanadaly tennisçi Feliks Ože birinji tapgyrda ATP-niň reýtinginde 45-nji orny eýeleýän amerikaly Maksim Kressiden 7/6, 4/6, 6/7, 6/7 hasabynda utulyp, ýaryş bilen hoşlaşdy.
Duşuşyk 4 sagat 9 minut dowam etdi. Olar karýerasynda biri-biri bilen ilkinji gezek duşuşdylar. Kressiniň ilkinji gezek TOP-10-daky garşydaşyndan üstün çykandygyny hem nygtamak gerek.
Mundan ozal ol güýçli onlukdaky tennisçiler bilen dört gezek duşuşyp, ählisinde asgyn gelipdi. Kressiniň ikinji tapgyrdaky garşydaşy watandaşy Jek Sok bolar.