Türkmenistanyň Prezidenti Serdar Berdimuhamedowyň gol çeken Resminamasyna laýyklykda, Söwda, ykdysady, ylmy we tehnologik hyzmatdaşlyk boýunça hökümetara türkmen-hindi toparynyň türkmen böleginiň düzümi tassyklanyldy. Bu barada «Watan» habarlar gepleşiginde habar berildi.
Habarda bellenilişi ýaly, degişli Resminama, Türkmenistan bilen Hindistan Respublikasynyň arasynda gazanylan ikitaraplaýyn ylalaşyklary durmuşa geçirmek hem-de iki ýurduň özara gatnaşyklaryny mundan beýläk-de ösdürmek maksady bilen gol çekildi.
Ozal habar berlişi ýaly, Prezident Serdar Berdimuhamedow Ministrler Kabinetiniň Başlygynyň Orunbasary, daşary işler ministri Raşid Meredowy bu toparyň başlygy wezipesine belledi.
