Prezident Serdar Berdimuhamedow Söwda-ykdysady hyzmatdaşlyk boýunça bilelikdäki hökümetara türkmen-katar toparynyň türkmen böleginiň düzümini tassyklady. Bu barada «Watan» habarlar gepleşiginde habar berildi.
Habarda «Türkmenistan bilen Katar Döwletiniň arasyndaky hyzmatdaşlygy mundan beýläk-de ösdürmek, ikitaraplaýyn söwda-ykdysady, ylmy-tehniki we medeni-ynsanperwer gatnaşyklary has-da giňeltmek maksady bilen degişli Resminama gol çekildi» diýlip bellenilýär.
Habar berlişi ýaly Prezident Serdar Berdimuhamedow Ministrler Kabinetiniň Başlygynyň orunbasary, daşary işler ministri Raşid Meredowy bu toparyň başlygy wezipesine belledi.