Şu gün hokkeý boýunça dünýä çempionatynyň üçünji dwizionynyň «A» toparçasynda nobatdaky duşuşyk geçirildi.
Lýuksemburgyň Kokelşýoýe şäherindäki buzly sport toplumda Türkmenistanyň we Türkiýäniň ýygyndylary duşuşdylar. Duşuşyk türk hokkeýçileriniň 6:5 (1:0, 4:2, 1:3) hasabyndaky ýeňşi bilen tamamlandy.
Şeýlelikde, türk ýygyndysy bäş duşuşykda 9 utuk toplap, toparçada ikinji orny eýeledi. 4 utukly Türkmenistanyň näçenji orny eýelejekdigini şu gün geçiriljek Lýuksemburg ― Taýwan duşuşygyndan soň belli bolar.
