ABŞ Russiýanyň howpsuzlyk kepillendirilmesi babatda tekliplerine hat üsti bilen jogap berdi, bu barada düýn Bloomberg habarlar gullugy ýazdy.
Amerikanyň Moskwadaky ilçisi Jon Salliwan RF-niň Daşary işler ministrligine gelip, haty gowşurdy.
Ýeri gelende aýtsak, geçen ýylyň 17-nji dekabrynda Russiýa Federasiýasynyň Daşary işler ministrligi Waşingtona we NATO bileleşigine howpsuzlyk kepilligi boýunça ylalaşyklaryň taslamasyny gowşurypdy. Olarda ABŞ bilen NATO-dan alýansyň gündogara süýşmeginden ýüz öwürmek, şeýle-de sebitde howply hüjüm ediş ýaraglaryny, ýadro ýaragyny ýerleşdirmäge çäklendirme girizmek teklip edilýär.
