Güýçli çagba sebäpli Pekiniň «Şoudu» we «Dasin» howa menzillerinde 663 gatnaw ýatyryldy. Şäheriň Meteorologiýa gullugy «sary» duýduryş derejesini yglan etmek bilen bir gün öň ýagyş başlady. Bilermenler ýagşyň sişenbe güni irden 60 ― 100 millimetr galyňlyga çenli ýetmegine garaşýarlar. Şeýlelikde, ýurduň käbir ýerlerinde suw daşgynlary emele gelip biler.
Şäherdäki başlangyç mekdeplerde we mekdebe çenli çagalar edaralarynda sapaklar ýatyryldy, ýaşaýjylara köçelerde sarp edilýän wagty azaltmak maslahat berildi. Mundan başga-da, suw joşmalaryna garşy taýýarlygy bahalandyrmak üçin şäher suw dolandyryş müdirligi tarapyndan 15 müň adam we 13 gözleg topary mobilizlenip, şäheriň ähli etraplaryna iberildi.
