Türkmenistanly ýarym goragçy Ruslan Mingazow täze möwsüme Gazagystanyň «Kaspiý» futbol toparynyň düzüminde taýýarlanýar. Olar toparyň hataryna Türkiýedäki okuw-türgenleşik ýygnanyşygynda baryp goşuldy.
Türkmenistanly futbolçy 22-nji fewralda gazak toparynyň düzüminde Ukrainanyň «Nikolaýew» toparyna garşy geçirilen ýoladşlyk duşuşygyna gatnaşdy. Duşuşyk 2:0 hasabynda «Kaspiniň» ýeňşi bilen tamamlandy.
Bu ýygnanyşygyň çäginde topar Russiýanyň «Alaniýa» (3:10), «Kuban» (3:0), Özbegistanyň «Kyzylkum» (2:4) we Ukrainanyň «Weres» (1:2) toparlary bilen ýoldaşlyk duşuşyklaryny geçiripdi.
Mundan ozal Ruslan Mingazow bilen Bahreýniň iň köp kubok gazanan topary bolan «Al-Muharragyň» gyzyklanýandygyny ýazypdyk.
