Türkmenistanyň Prezidenti şu gün bir karara gol çekdi, oňa laýyklykda Merkezi bankyň gymmat bahaly metallar we gymmat bahaly daşlar komiteti Gymmat bahaly metallar we gymmat bahaly daşlar gaznasyna üýtgedildi we bu düzgünnama tassyklandy, bu barada türkmen telewideniýesiniň “Watan” habarlar gepleşiginde habar berildi.
Kararda bu çözgüdiň "gymmat bahaly metallaryň we gymmat bahaly daşlaryň dolanyşygy bilen baglanşykly işleriň guralyşyny has-da kämilleşdirmek maksady bilen" amala aşyrylýandygy aýdylýar.
Resminama bilen Türkmenistanyň Merkezi bankyna Türkmenistanyň Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak hem-de Türkmenistanyň Ministrler Kabinetine bermek tabşyryldy.
Döwlet baştutany Ministrler Kabinetiniň mejlisinde Merkezi bankyň gymmat bahaly metallar we gymmat bahaly daşlar baradaky komitetini degişli Gazna öwürmek barada aýdyp, bu düzümiň täze derejesiniň onuň işine bildirilýän talaplara laýyk derejede mundan beýläk-de kämilleşdirmäge ýardam berjekdigini belledi.
