«AK TAM Bazary» Türkmenistanyň täze işläp başlan onlaýn söwda taslamasy. Mundan birnäçe aý ozal döredilen taslama oýlanyşykly mahabat ýörelgesiniň kömegi bilen meşhurlygyny günsaýyn artdyrýar.
Şu gün «Türkmenportalyň» habarçysy kompaniýanyň PR-menejeri Medine Seýitnyýazowa bilen taslamany mundan beýläk-de ösdürmek ilen bagly maksatlar barada söhbetdeş boldy.
- Medine, «Ak Tam Bazary» taslamasynyň örän gowy başlagyjy bar. Ony has hem ösdürmek üçin kompaniýanyň öňünde nähili maksatlar bar?
- Häzirki wagtda, esasan, mahabat çäreleri arkaly özümize müşderi çekmäge, taslama babatynda her kimde oňyn pikir oýarmaga ýykgyn edýäris. Ikinji bir maksadymyz bolsa hyzmatdaşlarymyzyň sanyny mundan beýläk hem köpeltmek.
- Şeýle çärelerden esasy garaşylýan netije näme?
- Adamlaryň taslamamyza bolan ynamynyň we biziň bilen gatnaşygynyň artmagy.
- Sosial marketing önümi mahabatlandyrmagyň iň meşhur görnüşine öwrülýär. Siz mundan peýdalanýarsyňyzmy?
- Hawa, elbetde. Kompaniýamyz sosial ulgamlaryň kömegine aýratyn üns berýär. @Aktam_bazary instagram hasaby arkaly her gün ähli habarlary paýlaşýarys, hyzmatdaşlarymyz bilen bilelikde müşderiler üçin kiçi bäsleşikleri geçirýäris. «Facebook» we «IMO-daky» hasaplarymyz (+9936242638) has köp müşderi çekmäge ýardam berýär. Geljekde «Youtube» kanalymyzy işjeň ösdürmegi meýilleşdirýäris.
- Satyjylardan, dükanlardan başga «Ak Tam Bazarynyň» esasy müşderileri kimler?
- Mälim bolşy ýaly, ilkinji maksadymyz gurluşyk serişdeleriniň söwdasydy. Ýöne platforma açylandan soň, ondan kärendesine ýer almak isleýänler köpeldi. Şeýlelik bilen müşderi gorumyz giňeldi.
- “Ak Tam Bazarynda” ulanyjylar tarapyndan berilýän tekliplere nähili seredilýär?
- Toparymyz täze we peýdaly tekliplere hemişe açyk. Ýöne öz iş usulymyza hem ygrarly bolmaga çalyşýarys. Programmaçylarymyz bolsa ony kämilleşdirmek üçin yzygiderli işleýärler.