Lebap welaýatynyň Taryhy we ülkäni öwreniş muzeýinde Bütindünýä saglyk güni mynasybetli wagtlaýyn sergi açylar ― diýlip, «Türkmen gündogary» gazetinde çap edilen bildirişde aýdylýar.
7-nji aprelde belleniljek Bütindünýä saglyk gününe mynasyp derejede seslenmek maksady bilen geçiriljek sergi «Sagdyn durmuş ― bagtyň gözbaşy» diýlip atlandyrylar.
Bildirişde hem ýazylyşy ýaly, wagtlaýyn serginiň açylyş dabarasy 1-nji aprel güni sagat 14-de başlar. Sergi 10-njy aprele çenli dowam eder.
Muzeý mart aýynyň dowamynda Halkara zenanlar gününe we Milli bahar baýramyna bagyşlanan wagtlaýyn sergileri hem gurnady.