Soňky habarlar

Arhiw

Türkmenistanyň ýetginjekler ýygyndysy CAFA-nyň çempionatynda çykyş eder

19:1803.07.2019
0
4723

Merkezi-Aziýanyň Futbol Assosiasiýasynyň (CAFA) şu ýyldaky ilkinji çempionaty 21-nji iýul-1-nji awgust aralygynda Täjigistanda geçiriler. Bu ýaryşda sebitiň ýetginjekler ýygyndylarynyň (U16) altysy baş baýrak ugrunda bäsleşer.

CAFA-nyň çempionaty Türkmenistanyň, Täjigistanyň, Eýranyň, Özbegistanyň, Gyrgyz Respublikasynyň hem-de Owganystanyň ýetginjekler ýygyndylarynyň (U16) gatnaşmagynda geçiriler. Duşenbe hem-de Gissar şäherleriniň merkezi stadionlarynda geçiriljek çempionata 26-njy iýulda badalga berlip, 1-nji awgustda tamamlanar.

CAFA-nyň çempionatynda Türkmenistanyň ýetginjekler ýygyndysy Batyr Şyhyýewiň tälimçiliginde çykyş eder. Bu bäsleşik biziň ýetginjekler ýygyndymyza 16-22-nji sentýabr aralygynda Daşkentde geçiriljek Aziýanyň çempionatynyň saýlama tapgyryna özboluşly taýýarlyk bolar. Aziýa çempionaty-2020-niň saýlama tapgyrynyň “B” toparçasynda çykyş edýän ýetginjekler ýygyndymyzyň garşydaşlary Özbegistanyň, Hindistanyň hem-de Bahreýniň ýygyndylary bolar.

 

Ýetginjekler ýygyndylaryň (U16) gatnaşmagyndaky CAFA-nyň çempionatynyň geçiş tertibi:

1-nji tapgyr

26-njy iýul (anna)

Özbegistan – Täjigistan

Gyrgyz Respublikasy – Eýran

Owganystan – TÜRKMENISTAN

 

2-nji tapgyr

27-nji iýul (şenbe)

Täjigistan – TÜRKMENISTAN

Owganystan – Gyrgyz Respublikasy

Özbegistan – Eýran

 

3-nji tapgyr

29-njy iýul (duşenbe)

TÜRKMENISTAN – Özbegistan

Eýran – Owganystan

Täjigistan – Gyrgyz Respublikasy

 

4-nji tapgyr

30-njy iýul (sişenbe)

Gyrgyz Respublikasy – TÜRKMENISTAN

Eýran – Täjigistan

Owganystan – Özbegistan

 

5-nji tapgyr

1-nji awgust (penşenbe)

TÜRKMENISTAN – Eýran

Özbegistan – Gyrgyz Respublikasy

Täjigistan – Owganystan

Teswirler
Teswir ýazmak üçin içeri giriň ýa-da registrasiýa boluň