Germaniýanyň öňki Kansleri Angela Merkel ýatlamalar kitaby çap edilenden soňra millioner boldy diýip, «Bild» neşirine salgylanýan «rg.ru» ýazýar.
Merkeliň ýatlamalarynyň diňe nemes dilindäki neşirine hukuk almak üçin neşirýatçylar 1,5-1,8 mln ýewro hak tölediler.
Öňki Kansleriň «Freiheit» («Azatlyk») atly kitaby 30 ýurtda satuwa çykar. Ony şeýle-de ýurtdaky dürli gaznalar we partiýa institutlary köpçülikleýin satyn alarlar.
Germaniýada 2005 we 2021-nji ýyllar aralygynda Hökümete ýolbaşçylyk eden Merkeliň pensiýasy 15 müň ýewro töweregidir.
TASS habarlar gullugy Germaniýanyň käbir kitap dükanlarynda ýatlamalar kitabynyň satuwyň ilkinji iki sagadynda satyn alnyp gutarylandygyny ýazýar. 736 sahypalyk kitabyň bahasy 42 ýewrodyr.
