Türkmenistan we Özbegistan giň gerimli forumda sebitara hyzmatdaşlygy pugtalandyrýarlar, Türkmenistanda iň ökde awtoulag sürüjileri kesgitlendi, Magtymgulynyň 300 ýyllygy mynasybetli Ürgençde adaty bolmadyk portret bäsleşigi geçirildi we beýleki habarlar
Türkmenistanda
1. Türkmenabat şäherinde ikitaraplaýyn ykdysady we medeni gatnaşyklary giňeltmek üçin iki ýurduň wekillerini bir ýere jemln II türkmen-özbek sebitara forumynyň açylyş dabarasy geçirildi. Bu çäre özbek harytlarynyň milli sergisini we dürli pudaklarda hyzmatdaşlygy ösdürmäge gönükdirilen birnäçe mowzuklaýyn maslahatlary öz içine aldy. söwda-ykdysady hyzmatdaşlyk, medeni alyşmalar we ynsanperwer gatnaşyklar forumyň esasy ugurlary boldy. Sergide dag-magdan we metallurgiýa senagatyndan başlap, hojalyk tehnikasynyň we azyk önümleriniň önümçiligine çenli ykdysadyýetiň dürli pudaklarynda iş alyp barýan kompaniýalaryň pawilýonlary görkezildi.
2. Aşgabatda awtoulag serişdeleriniň sürüjileriniň arasynda her ýyl geçirilýän döwlet hünär bäsleşiginiň jemleýji tapgyry geçirildi, onda ýurduň ulag pudagynda iň ökde hünärmenleri kesgitlenildi. Dabaraly çäre Bütindünýä durnukly ulag gününe taýýarlygyň çäklerinde geçirildi we Türkmenistanyň ulag-kommunikasiýalar pudagynyň ösüşiniň mümkinçiliklerini ara alyp maslahatlaşmaga bagyşlandy.
https://turkmenportal.com/blog/84991/v-turkmenistane-nazvali-luchshih-avtomobilistov
3. Beýik türkmen şahyry Magtymguly Pyragynyň 300 ýyllygy mynasybetli Ürgençde suratkeşleriň arasynda adaty bolmadyk bäsleşik geçirildi, oňa gatnaşyjylar nusgawy şahyryň portretiniň asyl nusgasyny bäş minutlap synlanlaryndan soň ýatdan portret döretdiler. Bu çäre meşhur özbek suratkeşi Soliý Kodirowyň ussahanasynda geçirildi. Döredijilik bäsleşigine ýerli heýkeltaraşlyk edarasynyň okuwçylary we mugallymlary gatnaşdylar. Asaloý Ataýewa bäsleşigiň ýeňijisi boldy, ikinji orny Hasanboý Kalandarow, üçünji orny bolsa Nafisa Jumaboýewa eýeledi. Beýleki gatnaşyjylaryň hemmesine höweslendiriji baýraklar gowşuryldy.
4. Türkmenistanyň wekilleri 19-20-nji noýabr günlerinde Sankt-Peterburgyň Tawriýa köşgünde geçirilen «Moda Arkalaşygy» atly III halkara foruma gatnaşdylar. Forum Azerbaýjandan, Ermenistandan, Belarusdan, Gazagystandan, Gyrgyzystandan, Russiýadan, Täjigistandan, Türkmenistandan we Özbegistandan 1,5 müňden gowrak wekili bir ýere jemledi. Foruma ilkinji gezek Angola Respublikasy gatnaşdy.
5. Golland gämigurluşyk kompaniýasy «Damen Shipyards» we «Balkan» gämigurluşyk we gämi abatlaýyş zawody» AGPJ derýa zemsnarýadlaryny bilelikde öndürmek barada gepleşikleri geçirdiler. Duşuşyk 19-njy noýabrda Kommer Dameniň ýolbaşçylygyndaky wekilýetiň Türkmenbaşy şäherinde ýerleşýän kärhana saparynyň dowamynda geçirildi. Gepleşiklere Türkmenistanyň «Türkmendeňizderýaýollary» agentliginiň wekilleri hem gatnaşdylar. Taraplar gämigurluşyk pudagynda hyzmatdaşlygyň mümkinçiliklerini ara alyp maslahatlaşdylar we çuňluk gazyjy tehnikalaryň önümçiligine aýratyn üns çekdiler.
6. Duşenbe şäherinde Türkmenistan bilen Täjigistan Respublikasynyň daşary syýasat edaralarynyň arasynda syýasy geňeşmeler geçirildi. Onda türkmen tarapyna daşary işler ministriniň orunbasary Ahmet Gurbanow, täjik tarapyna Imomi Sodik Aşurboýzada ýolbaşçylyk etdi. Geňeşmeleriň dowamynda iki ýurduň arasyndaky hyzmatdaşlygyň syýasy-diplomatik ugry ara alnyp maslahatlaşyldy, ýokary derejedäki yzygiderli gatnaşyklaryň ähmiýeti nygtaldy. Sebitleýin we halkara düzümleriň, hususan-da, BMG-niň çäklerindäki özara gatnaşyklara aýratyn üns berildi.
Dünýäde
1. «Charity Aid Foundation» (CAF) britan gaznasy tarapyndan geçirilen gözleg Indoneziýanyň dünýäniň iň rehimli ýurdy hökmünde abraýyny ýene bir gezek tassyklady. Bütindünýä haýyr-sahawat indeksiniň netijeleri bu günorta-gündogar ýurduň ýaşaýjylarynyň aglaba böleginiň – on indoneziýalydan dokuzysynyň haýyr-sahawat işlerine işjeň gatnaşýandygyny görkezýär. Indoneziýalylaryň 60%-den gowragy yzygiderli meýletinçilik edýär. Şu ýyl geçirilen giň gerimli pikir soraşma 142 ýurtdan 145 müňden gowrak adam gatnaşdy.
https://turkmenportal.com/blog/84987/indoneziya-sedmoi-god-podryad-lidiruet-po-blagotvoritelnosti
2. «Pixar» animasiýa studiýasy meşhur «Tapmaça» («Головоломка») franşizasynyň älemini giňeltjek, köpden bäri garaşylýan «Düýşler studiýasy» serialyny çykarmaga taýynlanýar. Onuň ilkinji görkezişi 11-nji dekabrda bolar, tomaşaçylara dört bölüm garaşýar. Sýužet multfilmiň birinji we ikinji bölümleriniň arasynda bolup geçýär we tomaşaçylary baş gahryman Raýliniň düýşlerini döretmegiň tolgundyryjy dünýäsine alyp gidýär. Hekaýa her kimiň iň täsirli düýşi döretmäge çalyşýan düýşler studiýasynyň içindäki režissýorlaryň arasyndaky döredijilik bäsdeşligine esaslanýar.
https://turkmenportal.com/blog/84986/pixar-predstavil-treiler-multseriala-po-vselennoi-golovolomki
Sport täzelikleri
1. Italiýanyň tennis boýunça zenanlar ýygyndysy Ispaniýanyň Malaga şäherinde geçirilen Billi Jin Kingiň kubogynyň finalynda Slowakiýanyň toparyny ýeňdi. Duşuşykda italýanlar 2-0 hasabynda ýeňiş gazandy: Lýuçiýa Bronsetti Wiktoriýa Grunçakowany (6:2, 6:4), Žasmin Paolini bolsa Rebekka Şramkowany ýeňdi (6:2, 6:1). Bu 2020-nji ýyla çenli Federasiýa Kubogy diýlip atlandyrylan bu ýaryşda italýan toparynyň taryhyndaky bäşinji ýeňiş boldy.
2. Ýeňil agram derejesinde «Bellator-yň» russiýaly çempiony Usman Nurmagomedow 25-nji ýanwarda irlandiýaly Pol Hýuz bilen tutluşar. Tutluşyk Dubaýda geçiriljek «Champions Series» ýaryşynyň esasy wakasy bolar. Asla ýeňilmedik we 18 ýeňşi bolan Nurmagomedow üçünji gezek çempionlygyny gorar. Hýuzyň rekordy 13 ýeňiş we bir ýeňiliş.
https://turkmenportal.com/blog/84993/usman-nurmagomedov-vstretitsya-s-polom-hyuzom-25-yanvarya
