Gyrgyzystandaky altynyň ätiýaçlyk gorlary 1 müň tonna deň, emma ýerli geologlaryň bahalandyrmalaryna görä, ol 4 esse ýokary bolup biler diýip, ýurduň habar beriş serişdelerine salgylanýan «Report» ýazýar.
Bu barada Gyrgyz Respublikasynyň geologiýa gullugynyň direktory, tebigy gorlar, ekologiýa we tehniki gözegçilik boýunça ministriniň orunbasary Narynbek Satybaldiýew habar berdi.
Satybaldiýew şeýle-de altyn ýataklarynyň toplumlaýyndygyny, ýagny altyn bilen bilelikde surma, sink we başga-da köp magdanlaryň duşýandygyny nygtady.
