Türkmenistanyň Prezidenti Serdar Berdimuhamedow Permana gol çekdi. Resminama laýyklykda, oba hojalygyny ösdürmäge goşýan goşandy, ekinlerden bol hasyl ýetişdirýändigi üçin, şeýle-de Hasyl toýy mynasybetli, ýurduň raýatlarynyň uly topary döwlet sylaglary bilen sylaglanyldy. Perman metbugatda dolulygyna çap ediler. Bu barada "Watan" habarlar gepleşiginde habar berildi.
Bellenilişi ýaly, şu gün Aşgabatda degişli raýatlara döwlet sylaglaryny, şeýle hem Türkmenistanyň Prezidentiniň adyndan gymmat bahaly sowgatlary gowşurmak dabarasy boldy. Şeýle-de Türkmenistanyň oba hojalygy boýunça gazananlaryna we bu ugurda öňde durýan wezipelere bagyşlanan maslahat geçirildi.
