Ýaponiýada golaý wagtda uçýan taksiler hereket edip başlar. Taslama 400 million töweregi maýa goýuldy, golaý wagtda ýene 500 mln dollar maýa goýlar diýlip, «MIR 24» ýazýar.
Synag uçuşy tehniki kynçylyksyz geçdi. Elektrikde hereket edýän kiçi uçar dik gonýar. Ýaponiýanyň daglyk ýerlerini we adalaryň köplügini hasaba alsaň, taksileriň bu görnüşi iň oňat serişdedir. Adaty awtoulaglardaky ýa-da paromlardaky ýollary täze ulag serişdesiniň hasabyna üç esse gysgaldyp bolar.
Uçýan taksini amerikan awiakompaniýasy we ýapon awtoulag kärhanasy bilelikde döretdiler. Ýolagçylary gatnatmak geljek ýylda badalga alar.
