Mongoliýanyň Prezidenti Uhnagiýna Hurelsuhanyň çakylygy boýunça Russiýanyň döwlet Baştutany Wladimir Putin 3-nji sentýabrda resmi sapar bilen Mongoliýa barar. Ol sowet we mongol ýaragly güýçleriniň Halhin-Gol derýasynda gazanan ýeňşiniň 85 ýyllygyna bagyşlanan dabaraly çärelere gatnaşar diýip, Kremliň metbugat gullugyna salgylanýan «Interfax.ru» habar berdi.
Habarda iki ýurduň döwlet Baştutanlarynyň gepleşikleriň barşynda köptaraplaýyn strategiki hyzmatdaşlygy mundan beýläk-de ösdürmek, ýörgünli halkara we sebit meseleleri barada pikir alyşmakçydyklary bellenýär. Şeýle-de gepleşikleriň netijeleri boýunça birnäçe ikitaraplaýyn resminamalara gol çekiler.
Wladimir Putin Mongoliýanyň Beýik Döwlet Huralynyň (Mejlisiniň) Başlygy D.Amarbaýasgalan we ýurduň Premýer-ministri L.Oýuun-Erdene bilen söhbetdeş bolar.
