Geljekde adamlar telefonlardan ýüz öwrerler hem-de beýni implantlarynyň kömegi bilen sözleşerler. Meşhur işewür Ilon Mask geljegi şeýle çaklaýar, ol bu barada özüniň sosial ulgamdaky sahypasynda ýazdy diýip, «Rambler.ru» habar berdi. «Geljekde telefon bolmaz, diňe Neuralink bolar» diýip, telekeçi ýazýar.
Ýanwarda Mask dünýäde ilkinji adama «Neuralink» implantyny oturdandyklaryny we onuň özüni oňat duýýandygyny habar berdi. Ol bu enjamyň işleýşi hakynda ilkinji maglumatlaryň köp zady wada berýändigini nygtady.
«Neuralink» kompaniýasynyň «Telepathy» atly täze enjamy eýesine smartfony ýa-da kompýuteri pikiriň güýji bilen dolandyrmaga mümkinçilik berýär. Bu ilkinji nobatda oňurgasyna şikes alyp, ysmaz bolan adamlar üçin möhümdir.
Mask şeýle-de «Neuralink» kompaniýasynyň batyl adamlar üçin «Blindsight» atly implant işläp düzýändigini habar berdi, ol körlere görmek mümkinçiligini gaýdyp berer diýlip, habarda aýdylýar.
