Türkmenistanyň Futbol federasiýasynyň düzgün-tertip baradaky komiteti tarapyndan Ýokary liganyň 10-njy tapgyrynyň çäginde Türkmenbaşy şäherinde Aşgabadyň «Altyn asyr» futbol topary bilen geçirilen duşuşykda «Şagadama» 0:3 hasabyndaky tehniki ýeňliş yglan etdi. Muny TFF-niň resmi saýtynda täzelenen ýaryş tertibi hem tassyklaýar.
Göz öňünde tutulýan duşuşyk 24-nji aprelde «Şagadam» bilen «Altyn asyryň» arasynda geçirilipdi. Myhman topar 2:0 hasabynda öňde barýarka, meýdandaky düşünişmezlik sebäpli, 83-nji minutda oýun saklanyldy. Şol minuda çenli «Altyn asyryň» gollaryny 13-nji minutda Ahmet Ataýew, 19-njy minutda Wahyt Orazsähedow geçirdi. Duşuşygy Resul Mämmedowyň ýolbaşçylygyndaky eminler topary alyp bardy.
Bu çözgütden soň «Altyn asyr» 12 duşuşykda gazanan 25 utugy bilen ýaryş tertibinde üçünji orny eýeleýär. Şonça duşuşykda 18 utuk toplan «Şagadam» bolsa bäşinji orny eýeleýär.
