Futzal boýunça Türkmenistanyň ýygyndysy Belarus Respublikasynyň nemes basybalyjylaryndan azat edilmeginiň 80 ýyllygyna bagyşlanylyp geçirilen abraýly halkara ýaryşda ikinji orny eýeledi.
Ýakub Öwezowyň şägirtleri ýaryşyň jemleýji 4-nji tapgyrynda Belarus Respublikasynyň çempionatynda çykyş edýän «Minsk» toparyny 3:2 hasabynda ýeňlişe sezewar etdi.
Mundan ozal Türkmenistanyň ýygyndysy Belarus Respublikasynyň çempionatynyň ýene bir wekili – Minsk şäheriniň «Ohrano-Dinamo» («Goragçy-Dinamo») toparyny 7:1 hasabynda utupdy.
Ýaryşyň deslapky iki tapgyrynda bolsa türkmen futzalçylary Belarusuň ýygyndysyndan 4:0 we 4:1 hasaplarynda ýeňildi.
