Amerikada dünýäde iň gymmat robot-gumanoidi döretdiler diýip, «24KZ» habar berýär. Onuň bahasy 2,5 milliard dollara deň.
Adampisint maşynyň aýratyn taraplarynyň biri – öýde hysyrdyly işleri ýerine ýetirmäge we ýöremäge mümkinçilik berýän, çeýe hereket edýän bogunlarydyr.
Mysal üçin, akylly enjam öýi arassalamaga we gap-gaçlary ýerleşdirmäge ukyplydyr. Oňa emeli aňyň öňdebaryjy mümkinçilikleri ornaşdyryldy, netijede, enjam sesleri, şekilleri we ýazgyny tanamagy başarýar. Ol şeýle-de pikirlenýär, wakalary ýatda saklaýar hem-de adamlar bilen gepleşýär.
Geljekde robot-gumanoid işçi güýjüniň ýetmezçiligi bilen bagly meseläni çözer diýip, döredijiler belleýärler. Täze tapyndy üçin eýýäm «Microsoft» we «Open AI» kompaniýalary maýa goýmaga isleg bildirdiler.
