Russiýanyň Orenburg şäherindäki Ural derýasynyň suwy ähli howply belgilerden hem ýokary derejä ýetdi. Bu barada şäheriň meri Sergeý Salmin «Rossiýa 24» teleýaýlymynda habar berdi diýip, «Belta.by» ýazýar.
Sergeý Salminiň maglumatlaryna görä, suwuň derejesi 996 sm derejä ýetdi, bu howply hasaplanýan 930 sm derejeden 66 sm ýokarydyr. Ýolbaşçy şeýle-de suwuň gelmegini dowam edýändigini aýtdy.
Sebitde 1910 öýi suw basdy, suw süýşgünleri sebäpli 865 adam göçürildi. Ilaty göçürmek dowam edýär.
Russiýanyň Günorta Ural sebitleri bu ýyl rekord derejede suw süýşgünlerine duş geldi. Ýagdaý has-da Orenburg oblastynda kyn. 5-nji aprelde ol ýerde Orsk şäherini Ural derýasyndan goraýan bendi suw ýykdy.
Adatdan daşary ýagdaýlar diňe Orskda däl, Kurgan we Týumen oblastlarynda dowam edýär.
Goňşy Gazagystanda hem güýçli suw süýşgünleri dowam edýär. Ýerli häkimiýetler ýagdaýa soňky 80 ýylda iň güýçli suw süýşgünleri diýip baha berýärler.
