«Merw» Mary derbisinde «Energetikden» üstün çykdy. Futbol boýunça Türkmenistanyň çempionatynyň 5-nji tapgyryndan orun alan bu oýun 1:0 hasabynda «Merwiň» peýdasyna tamamlandy.
Oýnuň ykbalyny çözen ýeke-täk gol 65-nji minutda Kemal Annamuhammedow tarapyndan derwezä gönükdirildi. Bu barada «Jankoyer» habar berýär.
Bu ýeňişden soň «Merw» bäş duşuşykda üçünji ýeňşini gazanyp, ýaryş tertibinde bäşinji orundan dördünji orna göterildi. «Energetik» bolsa iň soňky basgançakda galdy.
6-njy aprelde geçiriljek 6-njy tapgyryň duşuşygynda «Energetik» «Şagadamyň» myhmany bolar. Geljekki tapgyrda «Merw» dynç alar.
