Beýik Britaniýanyň Premýer-ministri Rişi Sunagyň gaýyn enesi Sudha Murti Hindistanyň Prezidenti Draupadi Murmu tarapyndan ýurduň Parlamentiniň ýokary palatasyna deputatlyga teklip edildi. Bu barada «MIR 24» habar berýär.
«Men Hindistanyň Prezidenti tarapyndan Sudha Murtiniň kandidaturasynyň hödürlenmegine şatdyryn... Hanym Murtiniň dürli ulgamlarda, şol sanda sosial maksatly işlerde, haýyr-sahawatda, bilimde bitiren hyzmatlary diýseň uludyr we ruhlandyryjydyr» diýip, «Swarajya» neşiri ýurduň Hökümet başlygy Narendra Modiniň sözlerini getirýär.
Hindistanyň Parlamentiniň ýokary palatasy 245 deputatdan durýar, olaryň 12-si Prezident tarapyndan bellenýär. Olar adatça görnükli medeniýet we ylym wekilleridir. Sudha Murti mugallym, ýazyjy we haýyr-sahawatçy hökmünde bellidir.
