Futbol boýunça Türkmenistanyň çempionatynyň Ýokary ligasynyň ilkinji tapgyrynyň oýunlary 3-4-nji mart günleri geçiriler. TFF tarapyndan TÝL-iň täze möwsüminiň birinji we ikinji aýlawlarynyň oýunlarynyň tertibi yglan edildi. Möwsümiň açylyş oýnunda «Aşgabat» öz meýdanynda «Köpetdagy» kabul eder. Duşuşyk ýekşenbe güni, 3-nji martda geçiriler. Oýnuň başlanjak wagty we geçiriljek ýeri ýakyn wagtda mälim ediler.
«Aşgabat» topary 2023-nji ýylda 30 utuk bilen TÝL-iň turnir tablisasynda 5-nji orny eýeläpdi. «Köpetdag» bolsa 28 utuk bilen möwsümi 6-njy ýerde jemledi.
Ýeri gelende bellesek, täze möwsümiň deslapky tapgyrynyň aglaba oýunlary 4-nji martda oýnalar. Şol gün şu aşakdaky jübütler güýç synanyşarlar:
«Altyn asyr» – «Şagadam»
«Nebitçi» – «Merw»
«Ahal» – «Energetik»
Deslapky tapgyrda geçen ýylky çempion «Arkadag» futbol kluby dynç alar. Wladimir Baýramowyň şägirtleri täze möwsümdäki ilkinji oýunlaryny ikinji tapgyrda geçirip, şol gapma-garşylykda 7-nj martda wise-çempion «Altyn asyr» bilen güýç synanyşarlar.
